إختطاف بنت من بيت أهلها
السلام عليكم ورحمة الله وبركاته
هاذي قصة حقيقة صارت لبنت في حي الهنداوية بجدة
بسم الله الرحمن الرحيم
يوم الجمعة بعد صلاة المغرب
جات حرمة متوسطة في العمر لبيت البنت (البنت تبلغ من العمر 16) في الصف الأول الثانوي
وأدعت إنها أم صديقتها المريضة الي لها فترة متغيبة عن المدرسة
وتبغاها تجي تذاكر لبنتها رفضت الأم وقالت لا بنتي ماتروح مكان لوحدها
قالت ليه خايفة خليها تجي معايا ساعة بالكثير وأنا بنفسي برجعها لك
وأقنعت الأم بالكلام
قالت الأم بس لازم تأخذ أخوها معاها (أخوها في الصف الثالث المتوسط )
قالت الحرمة طيب
وراحوا معاها في سيارتهم
وهم في السيارة ضريو الولد لين هلكوه بالضرب
ورموه برا السيارة عند محل الزمزمي في سوق بلحمر في حي الهنداوية
وأخذوا البنت معاهم
رجع الولد للبيت وعلم أهلو بلي صار
دوروا في كل مكان كلموا صحباتها محد يعرف اسم البنت الي قالت عليه الحرمة
وراحوا بلغوا الشرطة
واستنت الأم إلى صباح يوم السبت وهي زي المجنونة
راحت المدرسة تبغى معلومات عن البنت الي جات أمها وقالت عن اسمها
قالت المدرسة أنو ماعندهم بنت بهذا الإسم
الله وأعلم يقولوا أن الحرمة هاذي ساحرة سحرت على البنت
وعلى أمها عشان ترضى تأخذ البنت
وإلى الآن محد عارف لهم طريق ..
مساكين أهلها زي المجانين ماهم عارفين أش صاير في بنتهم
الله يكون بعونهم ويلقوها وترجع لهم بالسلامة
والله يحفظنا ويستر علينا في الدنيا والآخرة
الدنيا لاصارت تخوف
وقصة كمان صارت لنا شخصيا
دق جرس البيت فتحنا إلا لقيناها حرمة عجوزة دخلت البيت بسرعة
وعرفت أسمي وأسم أمي (ساحرة)
وقالت أنا محتاجة أبغاكم تساعدوني
طردتها أمي وهي عند البيت قالت طيب أدوني بس مكوى
طردناها وقفلنا الباب
تبغى المكوة عشان فيه ريحتنا تبغى تاخذو عشان تسحر علينا ..
قصة ثانية لناس نعرفهم
بنت متزوجة عمرها 25 دوبهم محولين بيت جديد
دقت عليها الباب حرمة قالت لها أنا جارتكم هنا في العمارة جيت أتعرف عليك
قالت لها أتفضلي دخلتها أتكلموا شوية وبعدين راحت تجهز حاجات المباشرة وكانت لابسة بعض الذهب
قدمت لها المباشرة وجلست ومعد حست بنفسها
جاء زوجها وهي مغمي عليها صحاها صحيت ومالقت الذهب إلي كانت لابسته
علمته بلي صار
وراحوا الزوجين يتطمنوا على أشياءهم إلا لقو الذهب كله مسرووق
سحرت عليها وسرقت ذهبها وراحت
أنتبهوا لنفسكم شكلها هاذي أيامهم منتشرين بكثرة
كل يوم نسمع قصة..
منقووووووول
الإثنين يوليو 16, 2012 9:27 am
